Divertimento para pequenos monstros

Divertimento-Serie: arquivo sonoro/historicos: Suso Suciedade e Pacos Pestes

Thu, 26 Nov 2009 23:21:51 +0000

Un oito de xuño de 2001 visitaron Divertimento dous ilustres pequenos monstros de Ferrol: Suso Suciedad e Paco Pestes García.

Para nos situar, tomábamonos as copas no Dada Circus, na defenestrada Radio Kaos retumban programas coma "Expresión Directa", "O que nós sabemos e vostede nón"ou "Manchita Cosa" (tempo despois este programa de radio daría nome ao coñecido local da Madalena ferrolá).

Paco Pestes é o responsábel de que o Pequeno Monstro se liará cunha señorita chamada Radio, cando este e outros alucinados (Pedro "Maltrana", Luz...) realizaban nos oitenta un programa en Radio Fene chamado Cuasimodo, e un día por mediación do Santi o coñecín nunha casa alucinada en Recimil. Anos despois, cos auspicios espirituais de Suciedade,

Divertimento-Serie: arquivo sonoro/historicos: textos (2)

Sun, 22 Nov 2009 17:22:19 +0000

Estou sentado na beira dun río azulh, sen zapatos. Os meus pés son acariñados pola corrente e fáime cóxegas. Vexo salmóns, troitas e sinto como pasan entre as miñas pernas a toda velocidade, coma xogando entre os meus pés descalzos. Miro cara adiante e unha fermosa carballeira é difuminada por unha fonda néboa. Creo ter visto animaliños correteando. Algúns pasan moi perto de min. Paran ao chegar. Ao pouco disimulan, como si nada. Collen algunha bellota, algún outro froito do verde chao e voltan a toda velocidade cara ao frondoso bosque. Ule ben, a verde. No meu narís pousa unha bolboreta azulh. Fáime cóxegas. Penso que vou esbirrar. Mais, antes de que poida despréndese, fica leve a altura da miña faciana, sorrime a váise despacio voando lenta. Desaparece, desprendida. Estou sentado na beira dun río azulh, sen zapatos. A min dame igual, porque me gosta... Extracto de Sono azulh. Pequeno Monstro. Divertimento para pequeno monstros. Edición do 13 de outubro de 2000 emitida por Radio Fene. Locución e ideias: Ana Santiago (Lucecú) e Pequeno Monstro. Selección musical: Pequeno Monstro. Textos: Pequeno Monstro.

Divertimento-Serie: arquivo sonoro/hitoricos: textos

Fri, 13 Nov 2009 06:51:50 +0000

Un estudio de radio pode converterse de súpeto nun parque outonado, nunha praia deserta de bañistas ou na mirada inocente dun neno. É imprescindíbel que de cando en vez sexa así, para disfrute dos aqueloutrados da radio. Deso foron as emisións de Divertimento para pequenos monstros, na etapa en que o programa se emitia en Radio Fene. Un 27 de outubro de 2000, unha tal Ana Lucecú e André Divertimento (coa colaboración no primeiro texto de Paulo Puntoeprincipio), interpretan os guións dun tal Pequeno Monstro. A cuestión foi como segue: o Pequeno Monstro maquinaba en praias solitarias aqueles textos. Despois quedaba con Ana Lucecú no Mister ou no Café do Patín, en Esteiro. Ensaiban os textos e só ficaba procurar melodías infinitas que servirán de almofada a tanto verbo outonado. O resultado foi o que segue neste programa. Para a vindeira semán máis follaxe.

Cunha V encontro da Rede Medios Comunitarios (ReMC) - 6,7,8 NOV. 2009

Fri, 06 Nov 2009 08:10:56 +0000

Todo preparado para o 5 encontro da Rede estatal de Medios Comunitarios (ReMC). Será en Barcelona entre os días 6, 7 e 8 de novembro de 2009.

Divertimento - Serie: arquivo sonoro / históricos.

Wed, 04 Nov 2009 07:50:57 +0000

Divertimento - Serie: arquivo sonoro / históricos.

Mon, 26 Oct 2009 08:31:05 +0000

Este programa é o primeiro dunha serie, nos que recuperaremos para Radio Filispim,

Divertimento - Pallasos en Rebeldia. Crónicas dende Palestina. 2da parte. 070509

Fri, 22 May 2009 19:23:32 +0000

Divertimento - Pallasos en Rebeldia. Crónicas dende Palestina. 1ra parte. 070509

Sun, 10 May 2009 20:27:04 +0000

Divertimento - Primeiro de maio libertario en Ferrol - 17 de maio, manifestazón en Compostela en defensa da lingua galega.

Fri, 01 May 2009 09:51:39 +0000

Divertido maio en Ferrol e na Galiza. Published by O Pequeno Monstro. under Novas, Rádio FilispiM 93.9 FM on 11:40 AM Divertimento para pequenos monstros, na súa última edición vén de amplificar a proposta para o primeiro de maio deste 2009 que nos oferecen os libertarios na Galiza. Todos eles hanse achegar a Ferrol pra se manifestar, partindo do Espazo Libertario xerado na Avenida de Esteiro. Con esta manifestazón, xa son tres as convocadas polas diversas forzas sincais na cidade departamental. Quen sabe, cecais o vindeiro primeiro de maio sexa o da "conxunción interestelar" definitiva. No estudio da Rádio Filispim, Xabier, militante cenetista, conta os detalles da convocatoria. Ademáis, ao través do teléfono, Carlos Outeiro, integrante da Mesa pola Normalización Ligüística, comenta os detalles do manifesto e convocatoria de manifestación, para o vindeiro 16 de maio (día das Letras Galegas) en defensa da lingua propia da Galiza. Algunhas notas sobre a nosa actualidade máis "rabiosa" e muita boa música completan o Divertimento do pasado 30 de abril de 2009. A disfrutar do audio, e lembrade que sempre gostamos das vosas suxestións en radiomonstro (arroba) gmail.com ou mesmo neste blog. Saúde, monstros!!!! Descargar o arquivo en http:www.pequenosmonstros.blogspot.com Máis info en radiomonstro (arroba) gmail.com

Divertimento - QUANT en entrevista e Xose da Radio Clavi de Lugo - 23/04/09

Fri, 24 Apr 2009 18:51:34 +0000

Quant e Xosé de Rádio Clavi, secuestrados por un monstro. Published by O Pequeno Monstro. under Rádio FilispiM 93.9 FM on 8:50 PM Non é a primeira vez que andan polo Divertimento da Filispim.

Oscar, Miguel e Alberto do supergrupo pop ferrolá QUANT, estiveron na última edición do Divertimento para pequenos monstros. Ao través dos micros de Rádio Filispim de Ferrol (e tambén para os ouvintes da Radio Piratona de Vigo), falaron do seu primeiro e inflamado disco grande New adventures in full colour.

Unha combinación de amateurismo e sabia estratexia de camello, da que poderás saber máis se procuras no "discurso" dos propios Quant.

Pequenas xemas pop, destinadas a ser pinchadas en pequenas radios e disfrutadas por non menos pequenos monstros.

Ademáis, no programa contamos coa agradábel presenza de Xosé, da radio libre de Lugo, Radio Clavi, que logo dun parón na súa xa longa andaina, procura a súa volta ás ondas luguesas. Agardamos que moi cedo o Xosé e o resto dos integrantes da asemblea da Clavi, dean nova vida a estoutro elo da comunicación alternativa nas ondas galegas. Podes saber máis das aventuras (e desventuras) da Rádio Clavi facendo clic neste enlace.

Deixámosvos co enlace do audio do Divertimento do pasado 23 de abril de 2009.
Descargar o arquivo

Divertimento - Especial Post Conspiratorio - 16/04/09

Fri, 17 Apr 2009 18:34:49 +0000

Post Conpiratorio por unha radio libre. Published by O Pequeno Monstro. under afotos, Rádio FilispiM 93.9 FM on 8:36 PM Post conspirar: acción filispina de reflexión logo de activar disidencia en peridodo sospeitosamente santo.

Ista podería ser unha definición do que vimos de fazer na última edición do Divertimento para pequenos monstros na Rádio FilispiM. Nela, amplificamos as reflexións dalgúns dos colectivos participantes na II Feira de Colectivos dentro da VI edición do CONSPIRANDO, ouvimos música e collimos un trauma.

Como bola extra deixámosvos cunha fermosa escolma de fotos tiradas no Conspirando, no transcurso da Feira de Colectivos e das estupendísimas actuacións de Retobato, Roger de Flor e Sacha na Horta (que bueno que vinisteis!!!!).

Ao final deste post, podedes ouvir ou descarregar o audio.

Pequenos monstros, tod@s xunt@s, por Finispinilandia: Viva o mal!!! viva o Capital!!!

Descargar o arquivo

Divertimento - Especial VI Conspirando - Entrevistas: Retobato e Roger de Flor - 02/04/09

Fri, 03 Apr 2009 13:19:00 +0000

Divertimento especial VI Conspirando. Entrevistas: Retobato e Roger de Flor 02/04/09 Published by O Pequeno Monstro. under Novas, Rádio FilispiM 93.9 FM on 3:09 PM

Na última edición de Divertimento para pequenos monstros, contamos coa presenza de Pablo do grupo punk Retobato e con Roger de Flor, ambos participantes na inminente VI edición do CONSPIRANDO que está a ponto de explosionar. Ademáis conversamos con Iago e Miguel, O Recuncho, que nos contan detalles da organización deste festival do que ademáis, o propio Colectivo Opaíí!, nos achegan novas de última hora.

Ficades co audio do Divertimento, nun formato especial de hora e media:
Descargar o arquivo

Divertimento - Especial Conspirando por unha radio libre - 12/03/2009 - Radio FilispiM 93.9 FM

Sat, 28 Mar 2009 13:18:39 +0000

A historia do Conspirando por unha radio libre. Published by O Pequeno Monstro. under Rádio FilispiM 93.9 FM on 2:15 PM - O Conspirando é xa unha cita habitual en Ferrol na semana "insana" ferrolá. Deso encarganse as persoas do Colectivo Opaíí! - Rádio Filispim, dende o 2004, cada xoves "santo", sen falta.

Na última edición de Divertimento, co gallo da inminencia na nosa particular penitencia ferrolá, fazemos un resumo a vista de paxaro de todas e cada unha das edicións do Conspirando, lembrando os grupos que participaros, o lugar onde se celebraron e as datas.

O vindeiro xoves (insano) 9 de abril de 2009 volvemos Conspirar, nun festival que cada ano medra en interés e alternativa na semana onde puidera parecer que tod@s os ferrolás comulgan con rodas de múiño. Maís non. Este ano, ademáis da II edición da Feira de Colectivos, haberá chourizada e remataremos de conspirar coas actuacións de tres grupazos: Sacha na Horta (Compostela), Roger de Flor (Fene) e Retobato (Ferrol).

A idea do Conspirando nace pola necesidade darlle publicidade á idea da creación da radio libre en Ferrol (Trasancos) e conquerir cartos para a merca dos equipamentos técnicos. A entrada aos Conspirandos foi sempre de tres euros e nel se puñan a venda diverso material editado polo colectivo: camisolas, chapas, pegatinas... Dende a edición do ano 2008 o festival é de balde e ao ar libre, na Praza do Inferniño (o Inferno).

Algunhas anédotas do festival son que en principio ía chamarase "Contaminando por unha radio libre", mais a asemblea decidiuse pola variante "Conspirando", habida conta de que cadraba mellor canto as nosas intencións.

Outra das anédotas é que a segunda edición do Conspirando estivo a ponto de celebrarse fóra de xoves "insano". Previsto para o 25 de xuño de 2004 (habida conta do suceso da primeira edición) dias antes do festival, cando xa estaba todo preparado, atopámonos cunha chea de cartazes de cor fosforito pegados por todo Ferrol, que anunciaban unha festa universitaria o mesmo día e a mesma hora e no mesmo sitio que tiñamos previsto para o II Conspirando. Logo dun cabreo monumental cos (i)rresponsábeis da sá que hai na Estación de Ferrocarrís de Ferrol, tivemos que suspender o a nosa prentendida II edición. Aquela noite ficou alcumada para a historia filispiniana como "A noite dos cartazes fosforitos".

Pra quen lle interese aquí vai a cronoloxía do Conspirando, dende a súa creación no 2004, cando a Rádio FilispiM tan só emitía nos nosos maxíns, até hoxe:

CRONOLOXÍA DO CONSPIRANDO – Opaíí! - Rádio FilispiM.

8 de abril de 2004
I Conspirando por unha radio libre – Estación Ferrocarril – Ferrol
- Miguel Alonso
- Window Pane
- Funky Brewster
- Loom
- Oscar Fernandez
- IV Guerra Mundial

26 de marzo de 2005
II Conspirando por unha radio libre – Fundaçom Artábria – Esteiro -
Ferrol
- Vladi
- Misquious
- Kobe

13 de abril de 2006
III Conspirando por unha radio libre – San Carlos – Esteiro – Ferrol
- Strutter
- IV Guerra Mundial
- Sociedade Protectora del Hombre Mono (Cristobal Veiga + Rogelio
Arias) coa colaboración de Boy Elliot.
- Os tres Trebóns e o Vendaval do Roxal (A Corunha)

5 de abril de 2007
IV Conspirando por unha radio libre – DZINE – San Sadurniño
- La Sentina
- Os Chiquilicuatres (Ribeira)
- Ex Lamatumbás (Ourense)

20 de marzo de 2008
V Conspirando por unha radio libre – Inferniño – Ferrol
- Dakidarría (Nigrán)
- The Sweat
- Ta´Crack
- 1º Feira de Colectivos.

9 de abril de 2009 (próximamente)
VI Conspirando por unha radio libre – Inferniño – Ferrol
- Retobato
- Roge de Flor
- Sacha na Horta (Compostela)
- 2º Feira de Colectivos.

Ficades co audio do programa Divertimento, agardamos que disfrutedes. Vémonos o 9 de abril no Inferno.

Descargar o arquivo

Divertimento para pequenos monstros 12/03/2009 - Radio FilispiM 93.9 FM

Fri, 13 Mar 2009 19:31:25 +0000

Divertimento para pequenos monstros 05/03/2009 - Radio FilispiM 93.9 FM

Fri, 06 Mar 2009 20:44:08 +0000

Xa está aquí o VI Conspirando por unha radio libre! Published by O Pequeno Monstro. under Novas, Rádio FilispiM 93.9 FM on 9:13 PM Conspirando por unha radio libre, xa había un ano que non o faciamos. A confraría filispiniana da santa Rádio FilispiM, repite experiencia por sexto ano consecutivo nunha edición que ao igual que no pasado ano, volven a rúa, exactamente ao inferno.

Si, o Conspirando vai ser na Praza do Inferniño de Ferrol o xoves "santo" 9 de abril de 2009, a poucos metros dos desfíles procesionais e pola cara. A cuestión é ir dinamitando este Ferrol, barrio a barrio (Fervesteiro xa dinamitan o seu), con saña.

Se as autoridades finalmente non o impiden, baixo unha inmensa carpa e riba dun fantástico cenário tocarán tres bandas: RETOBATO (Punk-Rock), ROGER DE FLOR e amigos (POP-SWING) e SACHA NA HORTA (Fusión).

Na última edición do programa de Rádio FilispiM, Divertimento para pequenos monstros, falamos deste e doutros temas de actualidade como son:
- Unha nova radio comeza a emitir na comarca: Radio Reganosa.
- 8 de marzo, día internacional da muller: Manifesto da Marcha Mundial.

En vindeiras entradas e vindeiras edicións de Divertimento, iremos subministrandovos máis información sobre esos descerebrados do colectivo Opaii!, gamberros irreverentes que parecen demandar a escomuñón inmediata.

Ficades co audio do programita,que como sempre podedes aniquilar directamente pulsando no reprodutor:

Descargar o arquivo

Máis info en www.pequenosmonstros.blogspot.com

Divertimento para pequenos monstros 26/02/2009 - Radio FilispiM 93.9 FM

Fri, 27 Feb 2009 12:39:55 +0000

Segundo asalto: Centros Sociais Autoxestionados na Galiza.

Published by O Pequeno Monstro. under Rádio FilispiM 93.9 FM on 8:54 PM Segundo programa especial sobre o movimento de centros sociais autoxestionados (CSA) en Galiza.

En outubro do ano 2002, Divertimento para pequenos monstros, producía un novo especial que daba continuidade á entrevista que mantiñamos un ano e meio antes con Fran del Buey, do CSA Casa Encantada de Compostela.

Nesta ocasión dende a Casa Encantada nos comentan máis sobre a singularidade deste centro social, estabelecemos unha conexión con Xacio da lexendaria Casa Okupa da Ría en Oleiros e mantemos unha conversa con Keke do CSA Mil Lúas de A Coruña.

Tres centros socias, tres, que hoxe en día non existen, aló menos tal e como os coñeciamos nalquel momento. Decimos isto xa que é moi probábel que aqueles protagonistas cos que mantivemos as conversas, naqueles primeiros noventa, estean hoxe en día dando vida novos espazos liberados. O propio CSA Laboratorio Okupado As Atochas no Bairro de Monte Alto (A Coruña), é bon exemplo da vixencia do citado movimento, mais deste espazo xa tivestes boa conta noutras entradas deste blog e na propia Rádio FilispiM, 93.9 FM.

Para nós, estes audios se teñen convertido nuns documentos que describen na voz dos seus protagonistas, como funcionaban tres centros socias (que non os únicos) aos que puidemos achegarnos os pequenos monstros, naqueles anos, cando este Divertimento se emitía ao través das ondas da radio pública local Radio Fene 107.7 FM (A Coruña).

A disfrutar do audio!!!
Descargar o arquivo

mais info en www.pequenosmonstros.blogspot.com

e mais en radiomonstro (arroba) gmail.com

Divertimento para pequenos monstros 19/02/2009 - Radio FilispiM 93.9 FM

Fri, 20 Feb 2009 19:52:30 +0000

Espazos liberados na Galiza: Casa Encantada de Compostela. Published by O Pequeno Monstro. under Rádio FilispiM 93.9 FM on 8:55 PM Un 17 de xuño de 2003 , un tal Susinho redifundía ao traves dá rede un comunicado que comezaba do seguinte xeito: "Acaban de iniciar o derrubo (ilegal, segue lendo) da Casa Encantada. Estamos no tellado impedindo cunha acción non violenta do mesmo e estámolo conseguindo. Necesitamos o teu apoio, pregunta no concello se é certa a información en prensa e advierteles das responsabilidades legais, pregunta por Ramón Lueje responsable de Urbanismo..."

E así foi. O concello de Santiago de Compostela da man do socialista Bugallo, sentenciaba a golpe de paleadora un dos centros sociais autoxestionados e okupados mais importantes do país galego que levaba funcionando dende o ano 1991.

Antes da súa desaparición, entre os anos 2001 e 2002, Divertimento para pequenos monstros realizou algúns programas especiais ao respeito do por aquela movimento de autoxestión e okupación de locais sociais na Galiza. Hoxe recuperamos o primeiro deles no que entrevistamos a Fran del Buey, un dos integrantes da asembleia da por entón Casa Encantada de Compostela nun audio que co paso dos anos ten pasado a ser un documento.

Por entón, Divertimento para pequenos monstros se emitía na lexendaria radio municipal Rádio Fene (hoxe Radio Fusión) radio senlleira dentro das municipais da Galiza. De feito Divertimento naceu en Rádio Fene, se ben é certo que tambén posou polas ondas da ferrolá Radio Kaos, universitaria da que algún día falaremos nun especial que se podería titular "como ser universitario, cargarse unha radio universitaria e non morrer no intento".

No vindeiro Divertimento daremos cotinuidade a este especial aos centros autoxestionados daqueles primeiros noventa no noso país, con novas entrevistas a integrantes da Casa Encantada de Compostela, a membros da lexendaria Casa Okupa da Ría en Oleiros (A Coruña) ou mesmo do Centro Social Mil Luas de A Coruña.

Hoxe en día, todos estes centros sociais non existen, mais forman parte da historia e a experiencia daqueles pionerios e que hoxe queremos compartillar con todos vós.

Pequenos monstros, a disfrutar do documento.

Descargar o arquivo

Divertimento para pequenos monstros 12/02/2009 - Radio FilispiM 93.9 FM

Fri, 13 Feb 2009 12:18:54 +0000

Divertimento para pequenos monstros, non se vende.

Published by O Pequeno Monstro. under Novas, Rádio FilispiM 93.9 FM on 7:56 PM A Rede Galiza non se Vende nacía en novembro de 2007, da man dunha "perigosa" agrupazón de máis de sesenta colectivos ecoloxistas, sociais e da veciñanza de todo o país galego.

"Desamparados", "desprotexidos", "defraudados". Estes foron os sentimentos dos impulsores da Rede aos dous anos de goberno do bipartito PSOG-BNG, ao que acusaron de defender un "modelo enerxético depredador, en contra dos intereses dos cidadáns".

Case un ano despois da primeira grande mobilización da Rede (17/02/2008), voven os cidadáns a estar convocados para o vindeiro domingo 15 de febreiro de 2009, en plena precampaña das autonómicas do país galego.

Rádio FilispiM, a radio libre e comunitaria da Terra de Trasancos que emite dende Ferrol (Galiza), deu conta da masiva asistencia a aquela primeria convocatoria a que acudiron maís de 10.000 persoas. Tes máis información e audio ao respeito en: http://audi o.urcm.net/Galiza-non-se-vende .

O pasado 12 de febreiro de 2009, tivemos no programa de Rádio Filispim, Divertimento para pequenos monstros a Alexandre Carrodeguas, integrante da Rede Galiza non se vende e mais do Comité de Emerxencia para a Ría de Ferrol, quen nos conta o porque desta nova convocatoria e nos pon día do contencioso da cidadanía ferrolá cos poderes e intereses que manteñen activa a planta de Gas de Reganosa en plena ría de Ferrol, a 900 metros de una base militar naval e a pouco máis de 1000 metros dun nucleo de máis de 100.000 habitantes, pese a que existe un novo porto exterior na ría.

Por si todo isto for pouco convincente, a entrada da ría de Ferrol é tan fermosa como estreita o que só permite a entrada dos gaseiros na pleamar de día e coa axuda de remolcadores. No suposto de que houber un accidente, un gaseiro, non podería sair da ría polos seus propios medios e de atoparse coa baixamar tería que ficar no meio dela. Por certo, a pleamar diurna únicamente deixa unha hora escasa ao día para saír e sempre coa axuda dos remolcadores.

Pese a todo o goberno da anterior Xunta de Galiza (PP) e do actual combo dinámico (PSOE/BNG) a cualifican coma de "estratéxica para Galicia". O certo é que detrás desta desafortunada e caprichosa ubicación da Reganosa atópanse elementos de conveniencia empresarial que engaden a este asunto unha banda sonora de fétidas melodías.

Neste enlace atoparás fotografías que evidencian a barbarie de colocar unha bomba no medio mesmo da poboazón. Nestoutro atoparás audios producidos pola Rádio FilispiM, verbo da manifestació contra a Reganosa argallada polo Comité de Emerxencia o pasado 8 de xuño de 2008.

Ademáis destas explosivas cuestións, no último Divertimento, lembrámonos do cansautor ferrolán (Madrid) Andrés Suárez e das súas cancións, que por suposto destrozamos inmisericordemente nun acto certamente monstroso. I e que Divertimento para pequenos monstros non se vende.

Máis info en www.pequenomonstros.blogspot.com

Entrevista con Ignacio da Silva (SGHN) - Divertimento 050209 - 2parte

Fri, 06 Feb 2009 21:38:19 +0000

Entrevista con Ignacio da Silva (SGHN) - Divertimento 050209 - 1parte

Fri, 06 Feb 2009 21:34:16 +0000

Entrevista con Iria Taibo - Fundación Vía Galego - Divertimento 050209

Fri, 06 Feb 2009 21:27:37 +0000

Divertimento para pequenos monstros 05/02/2009 - Radio FilispiM 93.9 FM

Fri, 06 Feb 2009 19:25:27 +0000

A Sociedade Galega de Historia Natural e a Fundación Vía Galego, en Divertimento. Published by O Pequeno Monstro. under Entrevistas on 8:22 PM

A Sociedade Galega de Historia Natural (SGHN) vén realizando desde os primeiros anos da década dos setenta, os Censos de Aves Acuáticas invernantes, Censos de Aves petroleadas así como o anillamiento científico de aves; tamén participou directamente na elaboración do "Atlas de Vertebrados de Galicia", que hoxe en día é unha obra de consulta obrigada para calquera estudioso da natureza.

A SGHN forma parte dá Coordinadora para a ou Estudo de Mamíferos Mariños (CEMMA) e da Sociedade Española de Cetáceos (SEC), cun grupo de traballo creado especialmente para a atención daqueles animais vivos que poidan varar nas nosas costas. Seguimento dos avistamentos de cetáceos da comarca e necropsias dous cadáveres atopados, retirando mostras para o seu posterior estudo en Centro de investigacións Mariñas de Vigo.

Ademáis, a Sociedade colabora con CEPESMA (Coordinadora para o Estudo e Protección das Especies Mariñas) de Luarca (Asturias), coa que comparte materiais e coñecementos.

Desde o comezo das súas actividades, na Sociedade, viñan recollendo e coidando animais salvaxes feridos, nuns momentos nos que non existía ningunha entidade pública oficial que se dedicase a iso. Agora colabórase no mesmo fin co Centro de recuperación de Fauna Salvaxe da Xunta de Galicia en Oleiros, organizando o envío de animais feridos aparecidos na comarca, e conservando os restos de animais non recuperados para futuros estudos, que pasan a formar parte dos fondos do museo.

A delegación de Ferrol da SGHN posúe no seu local un museo que comezou sendo unha pequena exposición sobre a riqueza natural de Galicia. Hoxe grazas ao esforzo altruísta de moitos socios e socias podemos consideralo un Museo do que non existe similar en toda Galicia. Os medios e as axudas cos que conta para realizar o seu labor son escasos; ou recursos limitados, pero, a pesar destas dificultades, o traballo que se está a realizar non é pouco.

O Museo, único en toda a comarca, comezou a con unhas pequenas coleccións de insectos, crustáceos, cranios de aves, etc., coleccións que foron aumentando para deixar de ser pequenas, e xunto a elas empezaron a aparecer as primeiras montaxes de esqueletos de mamíferos mariños (golfiños, toniñas...), e os primeiros fósiles. Agora o Museo da Natureza da SGHN de Ferrol conta cunha ampla diversidade de pezas. Gran parte do material exposto foi recollido na Comunidade Autónoma de Galicia, complementado cos restos e traballos doutras zonas da Península.

No ano 1984 coa cesión do novo local polo Concello de Ferrol, decidiuse darlle carácter público aos, xa daquela, numerosos libros propiedade da Sociedade, creándose a biblioteca pública da SGHN, esta comezou a crecer con subvencións e doazóns de libros de contido especializado, hoxe en día esta biblioteca alcanzou importantes dimensións.

Desde o ano 1.999 a Sociedade Galega de Historia Natural delegación de Ferrol ten subscrito un convenio co Concello de Ferrol para manter aberto o museo e a biblioteca así como a difusión da nosa natureza e os seus valores ás xentes de Ferrol.

Na actualidade este museo demanda máis espazo, un espazo acondicionado, un espazo digno, en resume un espazo de museo, no que se poidan expor todos os fondos cos que conta sen que sufran danos na súa conservación.

A situación actual do Museo situado no antigo Hospicio de Amboage é de ruina total, tanto que se teñen visto obrigados a fechar o acceso ao público ante o risco de derrumbes. A solución semella pasar pola restauración e traslado ao espazo que no pasado ocupaba a "Casa del Coronel" (parcela do antigo cuartel Sanchez Aguilera), un espazo de uso militar desafectado cuxa cesión é un culebrón máis dos moitos que hai no noso Ferrol. Ante o grande número de desafectacións de espazos militares e ante a "velocidade de cruceiro" de cesión destes espazos por parte das diversas institucións e demáis herrumbre, cecais haxa que ir pensando na okupación pura e dura. Mais diso trataremos noutro Divertimento.

Outro exemplo de entidade historica abandonada á súa sorte é o emblemático edificio que ocupa o Ateneo Ferrolán, na rúa Magdalena, 202 de Ferrol, cuxa construcción data de 1762, lugar que ademáis é a sede da Rádio FilispiM.

Dende o pasado xoves 5 de febreiro de 2009, a SGHN organiza unhas Xornadas do Medio Mariño, que se están a desenvolver precisamente no salón de actos do Ateneo Ferrolán. Este é o seu programa, en todo caso a partir das 18:30 h:

Xoves 5 de febreiro. Conferencia "Fósiles de cetáceos modernos en Galiza".

Venres 6 de febreiro. Conferencia "Anatomía de fisioloxía dos cetáceos".

Venres 13 de febreiro. Conferencia "Tartarugas mariñas: situación actual, proxectos de recuperación e voluntariado".

Mércors 25 de febreiro. Conferencia "Recuperación de lobos Mariños e tartarugas na UCI da SGHN de Ferrol".

Venres 27 de febreiro. Conferencia "Ferrol, unha ría a recuperar".

Deste tema e máis das actividades da Fundación Vía Galego, da que vos temos falado nos últimas programas, vai a última edición do Divertimento para pequenos monstros.

Pola banda da SGHN tivemos no estudio de Rádio FilispiM a Ignacio Díaz da Silva e pola parte da Fundación Vía Galego, vía teléfono, a Iria Taibo.

Divertimento para pequenos monstros 29/01/2009 - Radio FilispiM 93.9 FM

Fri, 30 Jan 2009 20:45:24 +0000

Divertimento para pequenos monstros, edición do 29/01/2009

O Pequeno Monstro. under Entrevistas,Rádio FilispiM 93.9FM Cicloxénese Explosiva, así denominan os técnicos en meteoroloxía o acontecido na tarde noite do 23 ao 24 de xaneiro en Ferrolterra, pero tamén en outros pontos do estado. Podes saber maís dela neste enlace: explosivo.

A cuestións metereolóxicas son as veces ingobernábeis, mais o problema ben cando a día de hoxe, 29 de xaneiro, perto de 7.000 familias galegas continúan a escuras no norde das provincias de A Coruña e Lugo, na Galiza. Levan máis seis días sen luz e cando escoitan falar de Unión Fenosa acéndense, valga o paradoxo.

A eléctrica que abastece estes lugares comeza a gañarse o apelativo de "Penosa", que algúen acertadamente lle puxo. "Chamas e míntente", comenta enfadada unha veciña de Valdoviño, "o luns dixeron que en poucas horas teriamos luz. O martes o mesmo... pasaron tres días e nada".

Ademáis non hai traída de auga en algunhas zonas de Valdoviño, ficando sen subministro pois dependen de pozos que funcionan con bombas electricas.

Deste tema e máis do litixio que o sindicato libertario CNT vén de gañarlle a SGAE, falamos na última edición de Divertimento para pequenos monstros. Unha conexión con unha veciña do concello de Valdoviño (A Coruña) e unha entrevista a Eliseo Fernandez da CNT - Ferrol, completan o programa.

Mäis info en www.pequenosmonstros.blogspot.com

ou en radiomonstro@gmail.com

Divertimento para pequenos monstros 22/01/2009 - Radio FilispiM 93.9 FM

Fri, 23 Jan 2009 20:33:50 +0000

Divertimento para pequenos monstros, edición do 22 de xaneiro de 2009.

Published by O Pequeno Monstro. under Rádio FilispiM 93.9 FM on 9:24 PM

Na última edición de Divertimento para pequenos monstros, do pasado 22 de xaneiro falamos de:

- Guinga. O guitarrista brasileiro agredido no aeroporto de Barajas, do que ademáis ouvimos a súa música.

- Novidades na grella de Rádio FilispiM. Centramos hoxe a nosa atención no programa Marca Branca, producido por Rute Correia para Rádio Zero de Lisboa e que dende hai algunhas semáns tambén difunde a FilispiM.

- A Fundazón Vía Galego, para o fomento do intercambio cultural con outros territorios dentro do universo lingüístico galego-portugués.

- O sindicato libertario CNT obtén un veredito favorábel fronte á SGAE.

Todos estes contidos aderezados de boa música. Deixámovos co audio para aqueles aos que non vos chegan as ondas filispinianas. Agardamos que gostedes.

Divertimento para pequenos monstros 15/01/2009 - Radio FilispiM 93.9 FM

Fri, 16 Jan 2009 19:15:32 +0000

E os pequenos monstros tomaron Rádio Piratona.

Dende a pasada semana Divertimento para pequenos monstros, pasa a emitirse tambén nas lexendarias ondas libres de Rádio Piratona, para toda a ría de Vigo.

O programa que producen os Pequenos monstros, pode ouvirse neses momentos ao través de Rádio FilispiM para Ferrol e comarca, Rádio Piratona para toda a Ría de Vigo, así como ao través de diversos podcast en todo mundo como os que podes atopar: no blog do Colectivo Opaíí! - Rádio Filispim, ao través do portal Podgalego.org e mesmo ao través deste blog.

Na edición do pasado 15 de xaneiro de 2009, Divertimento tratou os seguintes contidos:
1. A situación en Palestina no día de maior ofensiva do exército israelí.
2. XIV edición do festival Treme a Terra de Ponteume (A Corunha). Entrevista telefónica con Lois, un dos organizadores do evento.
3. Entrevista a Pablo do grupo punk eumés Arenga. Un dos grupos participantes na XIV edición do Treme a Terra que apresentanos a súa primeira e inflamante maqueta "Pensa en loita".

Coma sempre, dende esta páxina podedes ouvir todos eses contidos.

Máis cousinhas en www.pequenosmonstros.blogspot.com

ou en radiomonstro@gmail.com

Divertimento para pequenos monstros 08/01/2009- Radio FilispiM 93.9 FM

Sat, 10 Jan 2009 00:54:43 +0000

Primeira edición de Divertimento para pequenos monstros xa no ano 2009 en Rádio Filispim, 93,9FM, libre e comunitaria da Terra de Trasancos emitindo dende Ferrol (A Corunha-Galiza).

Nesta edición falamos de:

- A traxedia dun pobo: o palestiniano.

- Primeiro festival da Digna Raiba en Chiapas - México.

- XIV Festival Treme a Terra de Pontedeume (A Corunha).

- Concerto en apoio ao centro social laboratorio okupado "As Atochas", en Monte-Alto (A Corunha).

Selección musical, comentarios e realización a cargo do Pequeno Monstro.

Máis info en www.pequenosmonstros.blogspot.com

e radiomonstro@gmail.com

De sementes e colleitas. Subcomandante Marcos - México 04/01/2009

Thu, 08 Jan 2009 00:38:40 +0000

"Talvez o que vou dicir non veña ao caso do que é o tema central desta mesa, ou talvez si.
Hai dous días, o mesmo no que a nosa palabra referiuse á violencia, a inefable Condoleezza Rice, funcionaria do goberno norteamericano, declarou que o que estaba pasando en Gaza era culpa dos palestinos, pola súa natureza violenta..."

Divertimento para pequenos monstros. 30/12/2008 - Radio FilispiM 93.9 FM

Wed, 31 Dec 2008 09:49:34 +0000

Ultima edición de Divertimento para pequenos monstros do ano 2008, ao través de Rádio FilispiM, 93.9 FM.

Nesta edición falamos de:

- Convocatoria do primeiro Foro Social de Rádios Libres e Comunitarias, dentro do Foro Social Mundial que terá lugar en Belém do Pará (Brasil), entre o 27 de xaneiro e 1 de Febreiro de 2008, co fin de artellar unha rede de produzón e transmisión de audios xerados a propósito do Foro Social.

- O proxecto que regulará as radios na comunidade Canaria non contempla a existenza (legal) das radios libre e comunitarias. Unha vez maís, pese as recomendacións de AMARC (Asociación Mundial de Rádios Comunitarias) e a propia Unión Europa quen na súa resolución do 25 de setembro e 2008 pedía aos seus estados membros o "recoñecemento legal aos medios comunitarios (terceiro sector da comunicación), como grupo concreto e definido, ao igual que se fai cos medios de comunicación comerciais e público".

- Conexión telefónica coa Casa das Atochas, ou centro social laboratorio ocupado en A Coruña. A punto de cumprirse un ano da okupación e xestión "dumha casa de dous pisos e um extenso garagem no centro especulativo do coraçom da Corunha. Um territorio liberado da violencia urbanística que conforma un espaço de criaçom contracultural e antagonista". Falamos cun dos membros da asemblea do espazo okupado e integrante do grupo de traballo do proxecto de radio libre, Rádio Krime, que están a practicar unha nova fenda de comunicación libre neso que chaman espectro radioeléctrico, e que din "patrimonio común da humanidade".

Máis info en www.pequenosmonstros.blogspot.com

e radiomonstro@gmail.com

Divertimento para pequenos monstros. 23/12/2008 - Radio FilispiM 93.9 FM

Tue, 23 Dec 2008 21:46:53 +0000

Nesta edición especial fin de ano de Divertimento para pequenos monstros de Rádio FilispiM, tivemos a presenza especial de O Apalpador.
O Apalpador é un vello xigante, de oficio carboeiro, que vive nas devesa das altas montañas. Na noite de Nadal baixaba ás aldeas para achegarse aos nenos e ás nenas que durmían. Caladiñamente, apalpáballes as barrigas para ver se os pícaros estaban ben alimentados. Logo de desexarlle que no ano vindeiro non pasasen máis fame, marchaba deixándolles unha boa presada de castañas quentes.

A tradición, recollida por José André Lôpez Goncález nas comarcas do Courel e do Cebreiro, reflicte a conexión desta figura con outras semellantes como o Olentzero, o Pai Inverno ou o propio Papá Noel. Algín cren que se trata dun costume de orixe pre-cristián que no seu momento debeu estar espallado por todo o país e que foi desaparecendo progresivamente. Máis info en www.pequenosmonstros.blogspot.com ou radiomonstro@gmail.com

Divertimento para pequenos monstros. 18/12/2008 - Radio FilispiM 93.9 FM

Fri, 19 Dec 2008 23:58:43 +0000

Nesta edición de Divertimento para pequenos monstros, tivemos no estudio en entrevista a Roger de Flor, o cabaleiro pop da Terra de Trasancos, Ferrol (Galiza). Antes de apresentar en directo no Ateneo Ferrolán o seu segundo e último traballo titulado "Naturalidad Silvestre", publicado no sello fenés Felipop discos, pasou polo estudio de Rádio FilispiM, 93.9 FM, pra nos falar do seu disco, de si mesmo e dos seus moitos amig@s.

Máis info en www.pequenosmonstros.blogspot.com radiomonstro@gmail.com

Divertimento para pequenos monstros. 11/12/2008 - Radio FilispiM 93.9 FM

Fri, 12 Dec 2008 19:35:25 +0000

Charlamos con María Manuela, pintora e cantante popular da nosa comarca a quen se lle vén de fazer unha homenaxe no Teatro Jofre de Ferrol, nunha gala que foi gravada pola Televisión de Galicia.

Recomendazóns de lecer para este natal 2008, entre outras a actuación de Roge de Flor o 26 de decembro no salón de actos do Ateneo Ferrolán, presentando o seu novo album "Cuanto hay que aguantar". Mais, antes o fenés estará na vindeira edición radiofónica de Divertimento para pequenos monstros, en entrevista apresentando as pezas dese novo cedé.

Ademáis tivemos no programa a dous convidados: Pablo e Reyes, que charlaron e nos fixeron compaña.

Mais info en www.pequenosmonstros.blogspot.com , o blog do Pequeno monstro de Rádio FilispiM (Ferrol-Galiza).

Divertimento para pequenos monstros. 03/12/2008 - Radio FilispiM 93.9 FM

Wed, 03 Dec 2008 21:09:04 +0000

Nesta ocasión estiveron convidados no programa: Marcos Lorenzo, Asesor Cultura Concello de Ferrol e Pedro Ferrández, que fixeron a súa presentación en Rádio FilispiM, cunha proposta baixo o brazo, un novo programa na grella da radio libre e comunitaria que emite dende Ferrol, no 93.9 da FM

Máis info en: www.opaii.blogspot.com

e máis en: www.pequenosmonstros.blogspot.com

Divertimento para pequenos monstros - Primeiro Foro Social Galego.

Thu, 27 Nov 2008 23:17:21 +0000

Entrevista telefónica con Lupe Ces, da comisión organizadora do primeiro Foro Social Galego, que se celebrará nos primeiros días de decembro de 2008 en Santiago de Compostela, Galiza.

Extracto do programa Divertimento para pequenos monstros, que emite Rádio FilispiM, 93.9 FM - Ferrol (Galiza).

Presenta: o Pequeno monstro.

www.pequenosmonstros.blogspot.com

radiomonstro@gmail.com

Divertimento para pequenos monstros - Día mundial contra a SIDA .

Thu, 27 Nov 2008 22:53:16 +0000

Por mór do día mundial contra a SIDA e as II Xornadas de sensibilización contra o VIH, entrevistamos a Carlos Varela, integrante do comité antisida de Ferrol e comarca, LAZOS.

Divertimento para pequenos monstros. 27/11/2008 - Radio FilispiM 93.9 FM

Thu, 27 Nov 2008 22:05:16 +0000

Entrevista con Lupe Ces, por mor do I Foro Social Galego e a súa presentación previa en Ferrol, no Ateneo Ferrolán, o venres 28 de novembro de 2008.

Conexión con Carlos Varela, do Comité Antisida LAZOS de Ferrol e comarca, por mor da II Xornadas de sensibilización ante o VIH SIDA, ante a celebración do 1 de decembro do día mundial contra a SIDA.

Música e comentarios: Pequeno monstro, co convite especial do uruguayo Javier, do programa Discontinuidade.

http://www.pequenosmonstros.blogspot.com

radiomonstro@gmail.com

Divertimento para pequenos monstros. 20/11/2008 - Radio FilispiM 93.9 FM

Fri, 21 Nov 2008 19:36:48 +0000

Entrevista telefónica cun integrante do Espazo Libertario do barrio de Esteiro-Ferrol (Galiza), por mor das VII Xornadas Libertarias argalladas neste espazo do 17 ao 21 de novembro de 2008. Músicas: Jazz fusión de Elian Elias, Steps Ahead, Michael Torke...

Divertimento para pequenos monstros. Maio 2007 - Radio FilispiM 93.9 FM

Sun, 16 Nov 2008 23:01:23 +0000

Entrevista a Oscar e Rubén Coca, integrantes do grupo pop ferrolán QUANT, realizada no mes de maio de 2007, en Rádio Filispim, 93.9 FM, a radio libre e comunitaria de Ferrol e comarca.

No transcurso da conversa fálase da homenaxe a Andrés do Barro, na que veñen de participar coa gravación da versión do tema "Pois eu", a gravación dun video-clip polas rúas de Ferrol (A Coruña), e a súa aparición nun programa da Televisión de Galicia, homenaxe ao desaparecido Andrés do Barro.

Divertimento para pequenos monstros. 13/11/2008 - Radio FilispiM 93.9 FM

Thu, 13 Nov 2008 21:21:14 +0000

Entrevista a Alberto Amigo, integrantes do grupo pop ferrolán Todo el Largo Verano, e membro do colectivo La Fonográfica General, co que comentamos e ouvimos a música das maquetas desta formación nada no ano 2005 en Ferrol (ou Ferror, según os Fonográficos).

Ademáis, conexión coa manifestación da CIG en Ferrol, avenida de Esteiro, convocada para esixir un novo modelo económico e social, ante a crise e decadencia do sistema neoliberal capitalista que se nos impón dende arriba.

http://pequenosmonstros.blogspot.com

Divertimento para pequenos monstros. 06/11/2008 - Radio FilispiM 93.9 FM

Sun, 09 Nov 2008 01:41:44 +0000

Entrevista ao grupo folk de Ferrol (Galiza) Alén de Ancos.

Dous días antes da súa actuación na V Sesión Vermú do Colectivo Opaíí e Rádio FilispiM, apresentación da nova programación da Radio Filispim, 93.9 Ferrol, a formación folk fala co Pequeno monstro da súa música e apresenta en exclusiva mundial a súa nova maqueta.

http://pequenosmonstros.blogspot.com

htto://opaii.blogspot.com

Divertimento para pequenos monstros. 30/10/2008 - Radio FilispiM 93.9 FM

Fri, 31 Oct 2008 12:41:02 +0000

O pequeno montro, entrevista a Noelia, da Marcha Mundial das Mulleres na Galiza, ao respeito do VII Encontro Internacional da Marcha Mundial das Mulleres, que se celebrou por vez primeira na Europa, en Vigo (Galiza), hai un par de semanas.

Duración: aprox. 30 m.

Divertimento para pequenos monstros. 23/10/2008 - Radio FilispiM 93.9 FM

Fri, 24 Oct 2008 08:21:00 +0000

Terceiro programa, cuarta etapa en Rádio FilispiM.

Contidos: I Congreso Europeo de Rádios Comunitarias en Madrid. O fenés Boy Elliot (Daniel Alonso) en Laponia no Festival de Linguas Minorizadas. A música de MU, dende o norde de Portugal no festival de músicas do mundo Ollin Kan, celebrado en Vila do Conde, o pasado vrao do 2008. Referencias ao festival de músicas do mundo de Sines (ao sul de Lisboa).

Divertimento para pequenos monstros. 16/10/2008 - Radio FilispiM 93.9 FM

Fri, 24 Oct 2008 07:49:35 +0000

O Pequeno monstro entrevista a Diego, novo miembro do Colectivo Opaii-Rádio FilispiM, quen vai realizar un novo programa nesta grella 2008/2009, baixo o título de "Discontinuidade".

Duración aprox. 50 m.

Divertimento para pequenos monstros. 02/10/2008 - Radio FilispiM 93.9 FM

Sun, 05 Oct 2008 21:23:33 +0000

Programa de Rádio FilispiM, que abre a grella 08/09 da radio libre e comunitaria da Terra de Trasancos que emite dende Ferrol, Galiza.

Contidos: análise á nova grella e entrevista a Medi de Rádio Piratona de Vigo, responsábel de Crestas e Imperdíbles, programa de punk de Piratona, que agora redifunde Rádio FilispiM nas súas ondas.